ფილმი დაწვრილებით მოგვითხრობს, თუ როგორ გახდა ფლორიდელი მოზარდი ჯასეი ონფროი „მამბლ“ რეპერი, მეტსახელად XXXTentacion, პლანეტის ერთ-ერთი ყველაზე პოპულარული შემსრულებელი. რეჟისორი საბაჰ ფოლაიანი ოჯახის, მეგობრებისა და პარტნიორების გულწრფელი კომენტარებისა და აქამდე უცნობი საარქივო მასალის მეშვეობით, გვიხატავს სენსიტიურ პორტრეტს ხელოვანისა, რომლის ძალადობრივმა აქტებმა, თვითნაბადმა მუსიკალურმა ნიჭმა და ფსიქიკურ ჯანმრთელობასთან დაუფარავმა ბრძოლამ სიცოცხლეშივე წარუშლელი კვალი დატოვა მის თაობაზე. იგი 20 წლის ასაკში გარდაიცვალა.